AAK-ja dhe Nisma po i hakmerren Isa Mustafës

Analistët politikë konsiderojnë se organizimi i opozitës dhe protestat do t’ia shkurtojnë jetën kësaj qeverie dhe vendi herët a vonë do të shkojë në zgjedhje të parakohshme.

Prishja e bllokut nga LDK-ja mund t’i kushtojë kryeministrit Isa Mustafa me tronditje serioze të pushtetit nga protestat popullore, të cilat do të organizohen ga Lëvizja Vetëvendosje, e mbështetur nga AAK-ja dhe Nisma, pavarësisht akuzave të dikurshme në mes tyre.

Ramush Haradinaj dhe Fatmir Limaj, duke iu bashkuar VV-së, e cila më herët AAK-në e kishte akuzuar si parti të haraçit dhe liderin e NISMA-së për hajni e korrupsion me rrugët e asfaltit, duket se i kanë harruar të gjitha dallimet mes tyre dhe kanë vendosur që pa kompromis t’i kundërvihen bashkëthemeluesit të bllokut, Mustafës, i cili zotohej vjet se edhe nëse shkojnë në zgjedhje do të ishin bashkë në një listë./Kosova Sot/