Kuvendi të kontrollojë Qeverinë për shpenzimet e buxhetit

Njohësit e çështjeve ekonomike thonë, se nevojitet mbikëqyrje më efikase e Kuvendit ndaj qeverisë, për mënyrën se si shpenzon ajo buxhetin. Ata kanë thënë, se legjislativi kryesisht me anë të komisioneve intervenon në politika dhe dizajnim të buxhetit.

Qeveria në vitin 2013 kishte dështuar në realizimin e të hyrave nga koncesionari i Aeroportit Ndërkombëtar të Prishtinës për vitin 2013, ku ishin planifikuar të jenë 6,300,000 euro, ndërsa janë inkasuar 2,000,000 euro.

Ky nivel i ulët i inkasimit është shkak i një planifikimi joreal, thuhet në raportin vjetor të Zyrës së Auditorit Gjeneral./Kosova Sot/