Apeli i “Eco – Higjiena”: Mos i djegni kontejnerët, ruani ambientin e pastër

Gjilan – Djegia e kontejnerëve në qytet shkakton gazra të ndryshme dhe jo vetëm kjo, por edhe djegia e gomave, mbeturinat e spitalit, tymrat e ndryshme. Jemi të interesuar që ta edukojmë dhe parandalojmë ndotjen e ambientit e mbi të gjitha t`i ruajmë kontejnerët si një pasuri tonën të përbashkët thuhet në apelin e kompanisë “Eco – Higjiena”.

Kompania e “Eco – Higjiena” është e shqetësuar e djegien e kontejnerëve që po ndodhin herë pas here në brendi të qytetit. Ndonëse kontejnerët janë të kushtueshëm dhe modern, ky nuk është shqetësimi kryesor i Bajram Isufit drejtorit ekzekutiv në kompaninë “Eco – Higjiena”.”Për mua është shqetësuese që nga djegia e kontejnerëve dhe mbeturinave brenda tyre shkaktohet ndotje e rëndë e ajrit dhe kështu ndotim ambientin tonë për të cilin po investojmë çdo ditë” tha Isufi.

Isufi kërkon nga klientët dhe qytetarët e Gjilanit kujdes maksimal dhe vetëdijesim të ruajtjes së ambientit. “Ne para vetës kemi ndotje të ndryshme dhe të shumta. Djegia e gomave, e mbeturinave të cilat lëshojnë gazra dhe tymra të rrezikshme janë armiku jonë kryesor për të cilin duhet të sillemi me përkushtim. Të gjithë duhet të japim kontributin tonë që t`i ruajmë asetet tona të cilat janë investime serioze dhe të shtrenjta” thotë Isufi.

Ndryshe kompania “Eco – Higjiena” ka vendosur kontejner modern në disa lagje të qytetit, por shkatërrimi i tyre dhe djegia e pakontrolluar ka bërë që kompania të bëjë apele publike që ato të ruhen sepse janë investim për një ambient më të shëndoshë./rajonipress/