Angela Martini, pse nuk po martohesh?

Top-modelja, Angela Martini, është 28-vjeç dhe për momentin nuk e ka ndërmend që të martohet.

E, kjo si duket e ka shqetësuar shumë gjyshen e saj, e cila sa herë që takohet me super modelen shqiptare, i kërkon që të gjej shpirtin binjak.

Ndërsa këtë shqetësim të gjyshes së saj, bukuroshja shkodrane e ka ndarë me fansat e saja në rrjetin social Instagtram.

“Më mungon nana Doga”, ka shkruar Angela në Instagram përbri fotos së publikuar, ku shihet një grua e moshuar duke pyetur me anglishten e saj, “vhy ju na meri nabadi ”, që në përkthim do të thotë “pse nuk po martohesh me askënd”.

Kujtojmë se Angela kohë më parë u spekulua se ishte në lidhje me reperin shqiptar, Ledri Vula, ndërsa gjatë një interviste për mediat shqiptare, ka zbuluar se dhëndri i preferuar i gjyshes së saj është aktori shqiptar, Blerim Destani. /Telegrafi/