Barrikadohen në reflektim

Në ditën e parë të javës që cilësohet si e fundit sa i përket krizës politike, të dy blloqet kanë konfirmuar barrikadimet e tyre në qëndrimet fillestare. Shumica e krijuar pas zgjedhjeve ka vazhduar më takimet tashmë të rëndomta dukë konfirmuar qëndrimin e tyre fillestar.

I menjëhershëm ka qenë reagimi i kryesisë së PDK-së, e cila është mbledhur sërish për të rikonfirmuar qëndrimin e saj se institucionet e vendit duhet të ndërtohen sipas vullnetit të qytetarëve të treguar në zgjedhjet e 8 qershorit dhe duke respektuar vendimet e Gjykatës Kushtetuese. Megjithatë, kreu i saj i ka ftuar partitë që të reflektojnë.

Se duhet reflektuar ka thënë para pak ditësh edhe lideri i LDK-së Isa Mustafa, partisë më të madhe brenda bllokut. Pas mbledhjes së kryesisë së partisë, kryetari Hashim Thaçi ka thënë se zgjidhja për tejkalimin e bllokadës është bisedimi ndërpartiak.“Biseduam për hapat e mëtutjeshëm rreth ndërtimit të institucioneve të qëndrueshme, sipas vendimeve të Gjykatës Kushtetuese. Hapat tonë do të jenë në përputhje me vendimin e Gjykatës Kushtetuese”, ka thënë Thaçi…(Tribuna).