Tri komunat e Kosovës lindore

Kujtoj tri komuna t’ Kosovës lindore – Ato n’ zemrën time , krenare janë prore ! Nga këto tri komuna , mbajë mend shumë kujtime – Nëpër mote ishin loti i këngës sime !

Këto tri komuna nuk i harroj dot –
Në vend të gëzimit – kënga m’ bahet lot !…
Kënga m’ mbahet lot e loti m’ bahet vajë –
Nga se kurrë nga zemra , ato s’ mund t’i ndajë !

Sa herë që këndoj “Këngën e muhaxherëve “ –
I kujtoj shpërnguljet dhe rrugët e tmerreve !…
Sa herë këndoj Prokuplen atje der’ te Nishi –
M’ duket se nga trupi po më ndahet mishi !

Sa herë që këndoj atë “Këngën e Regjës “ –
Para sysh m’ del dasma n’ Stubllën e Medvegjës !
Mixha n’ ditë t’ martesës ia shoi jetën djalit
Dhe e fshehu krimin pas shqelmave të kalit !…

Sa herë i këndoj trimat e Tupallës –
Lotët seç më sillen vërdallë për rreth shallës !
Sa herë këndoj Oson , kullat e Vraninës –
S’e harroj Gejzerin , Banjën e Sijarinës !…

Sa herë këndoj këngë andej kah Bujanoci –
Nuk i harroj trimat , që s’iu gjendej shoqi !
N’ Tërrnoc i këndova këngë Kudret Shabanit –
Kurbetçinjtë kujtova në tokë të gjermanit !…

Këndoj Musa Isufin , nga rrufeja vra –
Kujtoj Miratocin , shtatë motrat pa vëlla !
Sa herë që i këndoj trimat preshevarë –
Ata s’ i kanë shokët askund ndër shqiptarë !…

Sa herë që u këndoj gjakderdhjeve t’ Luftës –
Kurrë nuk e harroj Masakrën e Iseukës !
Krahas Iseukës edhe Caravajkës –
Edhe Gosponica s’i shpëtoi masakrës !

Demir Krasniqi
Gjilan, më 19.02.2016.