Protestuesit po vazhdojnë qëndrimin në shesh

Këto janë pamjet e fundit nga sheshi, ku qindra protestues janë vendosur në tenda para Qeverisë.Kërkesat e tyre janë anulimi i marrëveshjes për Asociacionin me Serbinë, anulimi i marrëveshjes së Demarkacionit me Malin e Zi, kundërshtimi ndaj zgjedhjes së Thaçit President dhë në fund: dorëheqjen e Qeverisë.

Në fotografitë që i publikon VV në faqen e saj zyrtare thuhet:

Qytetarët dhe mbështetësit e opozitës po vazhdojnë të qëndrojnë në shesh pranë Kuvendit të Kosovës. Numri i qytetarëve të cilët po i bashkohen protestës sonë vetëm sa po rritet. Ne do të qëndrojmë në shesh edhe ditëve në vijim.

Vetëvendosje ka kërkuar ndihmë nga qytetarët e Kosovës dhe bizneset për ushqim për protestuesit.

Ata kanë thënë se protestuesve u duhet ushqim tri herë në ditë dhe për këtë, nevojitet kontributi i qytetarëve.

Thirrje për kontribut me ushqime, thuhej në thirrjen e VV’së.

Gazeta Express, më herët ka sjellur edhe atmosferën e orëve të para të natës së parë, të protestës së opozitës në një formë organizuar ndryshe nga herat tjera.