Nitaj: Protesta është thirr në rast se bëhet zgjedhja e presidentit

Pas përfundimit të protestës së djeshme gjithëpopullore të organizuar nga Vetëvendosja, AAK dhe Nisma, opozita bëri thirrje që të mblidhen përsëri të premten kur pritet të mbahet seanca e parë për këtë vit e Kuvendit të Kosovës, raporton Indeksonline.

Mirëpo, zëdhënësi i AAK-së, Muharrem Nitaj, për Indeksonline tha se në rast se këtë të premte do të futej në rend dite zgjedhja e presidentit atëherë do të protestohej, por nuk do të protestohet për seancë plenare të zakonshme të Kuvendit.

“Kam përshtypjen se thirrja është bërë në rast se këtë të premte do të futej në rend dite zgjedhja e presidentit, por jo për seancë të zakonshme. Qytetarët mund të mbështesin kundërshtimin e deputetëve të tyre, por nuk besoj se do të merren me seancat e rregullta”, ka thënë Nitaj. /Indeksonline/