Kurti: Opozita po i jep goditje Serbisë

Ish-kryetari i Lëvizjes Vetëvendosje, Albin Kurti ka thënë se protesta e 9 janarit ka qenë më e madhja e pasluftës në Kosovë, ndërsa ka thënë se kjo e 17 shkurtit duhet ta thyej atë rekord.

Sipas tij Serbia nuk ka hasur në rezistencë nga Qeveria e Kosovës, por vetëm nga opozita.

“Asnjë Qeveri e Kosovës në asnjë rast nuk i ka dhënë goditje Serbisë si i ka dhënë opozita e bashkuar në këta muaj”, është shprehur Kurti.

Sipas tij Me këtë lloj demarkacion po donë të na thonë se Kosova nuk ka kufij.

Ai ka thënë se këta 9 mije hektarë në kufi me Malin e Zi nuk janë vetëm kullosa por janë edhe pika strategjike e burime ujore të rëndësishme

“Ne nuk do të ndalemi e nuk do të kursehemi në kundërshtimin e këtyre dy projekteve të dëmshme për Kosovën”, ka shtua Kurti.

Deputeti i Vetëvendosjes më tej ka thënë se opozita nuk është e dhunshme, sipas tij opozita vetëm po i kundërshton këtë marrëveshje. ZËRI