Haradinaj takon Stefan Fulen, shpalos qëndrimin për zgjedhje të parakohshme

Lideri i AAK’së Ramush Haradinaj ka takuar emisarin e Çekisë për Ballkanin Perëndimor Sefan Fule me të cilën ka folur për situatën në vend. Haradinaj i ka thënë ish-komisionerit të BE’së se zgjidhje për gjendjen aktuale janë zgjedhjet e parakohshme.

Ky është njoftimi i plotë i AAK’së.

Kryetari i Aleancës për Ardhmërinë e Kosovës, Ramush Haradinaj, sot ka zhvilluar një takim me ish-komisionarin për Zgjerim, tani emisar i Republikës së Çekisë për Ballkanin Perëndimor, Stefan Fule, në Prishtinë.

Ky ka qenë një prej takimeve të rregullta që Kryetari Haradinaj ka zhvilluar me ish-komisionerin Fule, gjatë periudhave të ndryshme të këtyre viteve.

Zoti Haradinaj ka shpjeguar situatën politike në Kosovë, me theks të veçantë propozimin konkret për të tejkaluar krizën politike dhe institucionale të gjashtë muajve të fundit, si pasojë e nënshkrimit të marrëveshjeve të dëmshme për Kosovës dhe mungesës së reflektimit nga ana e Qeverisë së Kosovës, duke propozuar qe zgjedhjet e parakohshme te jene si zgjidhje funksionale./express/