Selimi: Policia ka shkelur ligjin

Deputeti i Vetëvendosje Rexhep Selimi tha se ngjarjet e fundit në Kosovë kanë nxjerr shumë defekte në Policinë e Kosovës.

Ai tha se është shkelur ligji për Policinë.

Selimi tha se duke parë bastisjet e zareve të VV-së, arrestimin dhe maltretimet e aktivistëve të VV-së, është shkelur neni 2 dhe neni 13 i Ligjit për Policinë e Kosovës, raporton zeri.info.

Po ashtu sipas tij, është shkelur edhe nenin 10 të këtij ligji. Selimi tha se kërkon nga eprorët e Policisë që ta zbatojnë ligjin për Policinë.

Sipas tij një ndër problemet që ka policia është edhe verifikimi i sigurisë për pjesëtarët e saj nga AKI-ja.

Selimi shtoi se asnjëherë nuk është bërë numri i policëve që kanë kaluar testin sigurisë. Ai tha se kanë informata që një numër shumë i madh nuk e ka kaluar verifikimin e sigurisë, raporton “Zëri”.

Selimi tha se, shumë pjesëtarë shantazhohen si pasoj e këtij verifikimi të sigurisë.

Edhe anëtari tjetër i Vetëvendosjes, Shemsi Syla tha se shqetësimi i tyre më i madh është instrumentalizimi i Policisë së Kosovës.

Syla tha se, vet kreu i PK-së është duke u instrumentalizuar nga politika.

Sipas Sylës edhe më shqetësuese është integrimi i “Civilna Zastita-s” në institucionet e Kosovës./ZËRI/