Nevzati: Luta ose s`ka fuqi ose është i shantazhuar?

Gjilan – Ky Kryetar ose s`ka fuqi me i shpall të pranuarit ose është shantazhuar nga individ të caktuar në LDK. Andaj kërkojmë urgjentisht t`i bëjë publike këto lista ose në të kundërtën jemi të detyruar nga kandidatët së basku me ta, ta bllokojmë zyrën e Kryetarit edhe pse si Parti Demokratike s`jemi të interesuar për një veprim të tillë ose lendet t`i dërgojmë në Prokurorin e Shtetit ka thënë Bujar Nevzati.

Në seancën e sotme Këshilltari nga radhët e PDK-së Bujar Nevzati ka ngritur çështjen e mos shpalljes së kandidatëve të pranuar në DKA. “Kjo që po ndodhë në DKA e Gjilanit është rast i rrallë që mund të ndodhë në ndonjë Komunë të Kosovës. Kryetari i Komunës, në njërën anë del para publikut e lavdërohet, që jemi Komuna e parë, që jemi Komuna ma transparente, a në anën tjetër detyrat kryesore, siç është Arsimi e Shëndetësia nuk i kryen ose i kryen si është ma se keqi” ka shtuar Nevzati.

Nevzati ka thënë se në tetor e ka shpallur konkursin në QKMF e në muajin nëntor në DKA,e akoma si ka shpallur listat e të pranuarve. “Ky Kryetar ose s`ka fuqi me i shpall të pranuarit ose është shantazhuar nga individ të caktuar në LDK. Andaj kërkojmë urgjentisht t`i bëjë publike këto lista ose në të kundërtën jemi të detyruar nga kandidatët së basku me ta, ta bllokojmë zyrën e Kryetarit edhe pse si Parti Demokratike s`jemi të interesuar për një veprim të tillë ose lendet t`i dërgojmë në Prokurorin e Shtetit”.

Nevzati ka thënë se me këto veprime Luta arsimin dhe shëndetësinë e Gjilanit po e kthen atje ku e ka pas lanë në vitin 2007./rajonipress/