Pacolli kritikon Jahjagën: Nuk vizitoi veriun e Mitrovicës

Presidenti i AKR’së Behgjet Pacolli ka kritikuar Presidenten Atifete Jahjagën. Pacolli thotë se Jahjaga po e përmbyll mandatin pesë vjeçar pa e vitizituar këtë pjesë të vendit.

Ndërkohë Pacolli ka publikuar në Facebook, një video nga koha kur ai kishte vizituar këtë pjesë, disa ditë pasi ishte zgjedhur si i pari i Presidencës.
“Duke parë këtë video nga vizita ime në pjesën veriore të Mitrovicës, në vitin 2011, si President i Republikës së Kosovës, pyes veten: pse askush nga Qeveria nuk kujdeset më shumë për qytetarët tonë në atë pjesë? Besoj që edhe Presidentja e vendit tonë ndoshta e ka pasur një ditë të lirë, nga afro 5 vite si Presidente e vendit, që t’i vizitonte qytetarët e saj në pjesën veriore të Mitrovicës? Do të isha shumë i lumtur po të vepronit më shumë!’, shkruan Pacolli në Facebook.