Hyka shënon supergol në humbjen e Luzernit

Jahmir Hyka gjen përsëri rrugën e rrjetës. Pas dopietës në fitoren 3-0 përballë Vaduzit fundjavën e shkuar, mesfushori shqiptar sot realizoi golin e vetëm të Luzernës në disfatën 3-1 në fushën e Sionit.

28-vjeçari u fut në lojë pas pushimit mes pjesëve dhe shënoi në minutën e 76-të, por nuk i shërbeu ekipit të tij pasi të zotët e shtëpisë kishin vulosur gjithçka.