MSA-ja i hap shtigje Kosovës për përafrim në BE

Profesori i marrëdhënieve ndërkombëtare, Martin Berishaj ka thënë se MSA-ja do ta ndihmojë Kosovën për forcimin e demokratizimit dhe themelimit të reformave.Berishaj për ‘Epokën e re’ tha se MSA-ja i hap shtigje Kosovës për t’u përafruar me familjen evropiane, por ku përafrim ka edhe koston e vet në përmbajtje dhe strukturë.

“Në parim, synohet që me anë të MSA-së do të forcohet procesi i demokratizimit, shtetit të së drejtës, integrimet ekonomike si dhe reformat në rrugëtim për anëtarësim në BE”, ka thënë Berishaj.

Duke e komentuar situatën e fundit politike në Kosovë, ai thotë se përgjegjësinë më të madhe e ka Qeveria. /Telegrafi/