Komuna e Gjilanit dhe Spitali Regjional koordinojnë aktivitetet

Gjilan – Nënkryetari i Komunës së Gjilanit, Rexhep Kadriu, ka pritur sot në takim u.d. drejtorin e spitalit regjional të Gjilanit, Besim Guda.

Besim Guda e ka informuar nënkryetarin Kadriu për gjendjen jo që kënaqshme që e ka gjetur me të marrë detyrën, duke shprehur zotimin se do ta kthej në gjendje të normalitetit këtë institucion të rëndësishëm.

Në emër të kryetarit Haziri, nënkryetari Kadriu i ofroi mbështetjen për punën u.d drejtorit Besim Guda, që së bashku me QKMF-në do t’i koordinojnë punët në të mirë të qytetarëve të Gjilanit.

Gjatë këtij takimi janë dakorduar që Komuna e Gjilanit të ndërtoj pjesën e mbetur të rrethojës së spitalit, e cila pritet të nis shumë shpejt./rajonipress/