Historianët kundër mbulimit të muraleve

Muralet me motive kombëtare në hollin e Kuvendit të Kosovës, të cilat ishin zbuluar javën e kaluar nga opozita janë mbuluar sërish nga autoritetet e Kuvendit, duke i zëvendësuar ato me “Ujëvarën e Mirushës” dhe “Hyjneshën në Fron”.

Historianët Muhamet Mala e Frashër Demaj kanë vlerësuar për ‘Epokën e re’ se nuk është dashur të mbulohen këto murale.

Ata kanë thënë se muralet me motive kombëtare nuk paraqesin asgjë tjetër përpos historisë së popullit shqiptar, si shumicë absolute në Kosovë.

Sipas tyre, askush nuk duhet të frikësohet nga muralet e tilla, pasi ato nuk e cenojnë asnjë komunitet i cili jeton në vendin tonë. /Telegrafi/