Pula e gjela po bëjnë rokoko
RajoniPress
08:24, 12 Tetor, 2015
Pula e gjela po bëjnë rokoko – Nuk po mund t’ gjejnë vend ku me bë një vo ?! Pula e gjela, more, krejt janë çmend –
Po donë me i bë vezët atje në Kuvend !?
Nuk po duan me ngrënë ma kokrra nga misra –
Por po duan të bëhen t’ gjithë kryeministra !
Nuk po duan kokrra me ngrënë me fshatarë –
Por duan të bëhen të gjithë kryetarë !
Nuk po duan n’ oda t’ rrinë me katundarë –
Por po duan t’ bëhen kryekuvendarë !
Nuk po mund ta mbajnë ma në kokë neverinë –
Por duan ta marrin me zor Qeverinë !
Pula e gjela fishkëllojnë n’ filikaqët –
Lëshonani kolltukët se boll ju u kënaqët !
Deputetët n’ sallë për t’ shpëtua prej vjelljes –
Pulat edhe gjelat qesin gaz lotsjellës !
Pula e gjela dhunën e mbështetin –
Nuk e duan punën , por e duan pushtetin !
Duan pasurinë edhe bereqetin ,
Duan arkat , bankat edhe gjithë buxhetin !…
Pula e gjela nuk kanë vend për festa –
Në rrugë e në sheshe dalin në protesta !
Pula e gjela e kanë nostalgjinë –
Fyt për fyt me shkua bashkë me policinë !
Pula e gjela me policë shtinë fjalët –
Kanë qejf me i ngrehë zvarrë , me i përgjakë asfaltet !
Nëpër rrugë e sheshe për të bërë betere –
Veç me dalë për “Lajme” përpara kamere !
Grushte edhe shqelma po i hanë shpinës kot ,
Përpara kamerave nisin derdhin lot !…
Në protesta dalin , s’ kanë gajle për mot –
Veç me iu dalë zëri se janë patriot !
Gjilan, më 10. 10. 2015 . Demir Krasniqi
