Ymeri: LDK ka një rini aktive dhe të përgjegjshme

Gjilan – Forumi i Rinisë së LDK-së në Artanë në Kuvendin e saj zgjedhor ka zgjedhur për kryetar Ardian Ahmetin. Bajrush Ymeri me këtë rast ka thënë se LDK-ja ka një rini të shëndoshë, aktive dhe tejet të përgjegjshme.

Në Kuvendin zgjedhor të Forumit Rinor të degës së LDK-së në Artanë në prani të 81 delegatëve është zgjedhur kryetari i saj Ardian Ahmeti i diplomuar në sociologji.

Kuvendi ka zgjedhur edhe kryesinë prej 17 anëtarëve.
Bajrush Ymeri kryetar i LDK-së në Artanë duke uruar Ardian Ahmetin dhe kryesinë e Forumit ka thënë është krenar që pas vetës ka një rini të shëndoshë, një rini aktive dhe të përgjegjshme. “LDK-ja krenohet me këtë rini e cila çdo ditë po tregohet e vëmendshme dhe po jep kontributin e saj në të gjitha sferat” ka thënë Ymeri./rajonipress/