Trim Islam Islami – ballist i paepur

Nga Livoqi i Ulët, banorët ku jetojnë, Një lagje shkruajnë letra edhe fjalë po çojnë – Njerëzit me merita të mos i harrojmë, Figurat historike më shumë t’ i nderojmë !

Figurë historike, atë Islam Islamin –
Njëri ndër ballistët që nderoi vatanin !
Emri i këtij heroi t’ luftës çlirimtare,
Që luftoi gjithmonë për kauzë kombëtare !

Trim Islam Islami, nga Livoqi i Ulët –
Përpara armiqve kurrë s’ dinte t’ përulet !
N’ moshën ma të mirë, barbaritë mizore –
Seç ia shuan jetën torturat çnjerëzore !

Torturat çnjerëzore t’ policisë sekrete
Të Serbisë fashiste seç ia shuan jetën !
Është figurë e rrallë e historisë kombëtare,
Që u la pas dore nga qarqet prijatare !…

Ai Islam Islami – ballist i përbetuar,
Luftëtar i paepur, s’ dinte për t’u frikësuar !
Luftonte fuqishëm kundër serb pushtuesve,
Ishte i pamëshirshëm kundër serb dhunuesve !…

Nga banorët e fshatit Livoqi i Ulët –
Do t’ kujtohet gjatë trimi që s’ përkulet !
Banorët e këtij fshati me të drejtë kërkojnë –
Figurën e tij, strukturat ta nderojnë !

Për torturat serbe, ndaj Islam Islamit –
Flet me lot në sy, biri i tij Bajrami !…
Me lot kujton fjalët që i ka dëgjuar –
Nëpër oda t’ burrave nga disa t’ moshuar !…

“Babai im, në luftë që kur ishte nisë –
Kishte qenë ballist një kohë në Drenicë !
Ma vonë n’ gjitha trojet e Kosovës mbarë –
Kish luftua pa droje për Bashkim Kombëtarë ! …

Bashkë me luftëtarët e të gjitha anëve –
Ai kishte luftua kundër partizanëve !
Ai ishte betuar lutje të mos pres –
Për Komb e Atdhe në çdo kohë të vdes ! “

I vendosur t’ flas, biri i Islamit –
S’ e harron kurrë emrin e Pera Pasjanit !
I kujton torturat n’ mënyrën ma çnjerëzore –
Përmbi babë Islamin, që kishte bërë prore !…

Kur erdh nga stacioni policor i Zhegrës –
Nuk e kishin njohur as fqinjët rreth derës !
E kanë rrahë me dru krejt e kanë shkatërrua –
Me muaj në lëkurë deleje, mezi është shërua ! …

Fëmijët e luftëtarëve që janë rritë jetima –
Mos shkelni mbi gjakun që kanë derdhë këta trima !
Mos ia bëni qejfin UDB-ës së Serbisë –
Me shkelë përmbi gjakun e trimave t’ Shqipërisë !

Gjaku i luftëtarëve që është derdh si lum –
Respekt dhe kujdesi e meriton ma shumë !
Që emrat e tyre më shumë t’i respektojmë –
Rrugët edhe sheshet me ta t’i emërtojmë !

Seç krenohen bjeshkët, fusha edhe male –
Islam Islami mbetet figurë e pastër morale !
Është figurë e ndritshme, shëmbëlltyrë kombëtare,
I dashur për t’ gjithë me zemër atdhetare !

Ishte trim i rrallë, shembull i qëndresës,
Ishte burrë i fjalës, bujarisë dhe besës !…
Çdo gjë pozitive n’ biografinë e tij –
Faqe begatie do t’ jetë n’ histori !

Gjilan, më 06.10 . 2015 . Demir Krasniqi