Banorët e Gumnishtës: Luta nuk i mbajti premtimet

Gjilan – Banorët e Gumnishtës janë të zhgënjyer me qeverisjen e Lutfi Hazirit. Sipas tyre në këtë fshat nuk është investuar fare. Luta na gënjeu dhe nuk i mbajti premtimet thotë Sefer Sabiti aktivist në këtë fshat.

Banorët e Gumnishtës thonë se Lutfi Haziri ka premtuar shumë gjatë fushatës zgjedhore, por këto premtime jo që nuk u realizuan, por as nuk filluan më shumë së tri vitesh. “Përmes këtyre premtimeve arriti t`i gënjej banorët e fshatit Gumnisht e tani i erdhi fundi mandatit të Lutës e ai nuk del fare në fshat për vizitë bile” thotë me ironi Sefer Sabiti kryetar i nëndegës së PDK-së.

“I shkeli premtimet e veta (apo gënjeu ) duke filluar nga rregullimi i rrugës prej Liqenit deri te asfalti aktual të cilin e shtroj PDK-ja në gjatësi 7 km nga Cerrnica deri te shtëpia e fundit e fshatit Gumnishtë, po ashtu asfaltimin e rrugicave me gjatësi 2 km, i rregulloj tabelat e tregimit të vendbanimit, rregullimin e ndriçimit të fshatit, rregullimin e rrugëve të rendit të dytë në gjatësi prej 10 km të gjitha nga PDK apo ish kryetari Qemajl Mustafa”.

Sabiti thotë se premtimet e tjera si ndërtimin e 11 shtëpive për njerëzit me nevojë (apo ishin shtëpitë në kategorinë 4B ) të shkatërruara në tërmetin e vitit 2003 që nuk ua ndërtoj e u harxhuan mjetet, pastaj i premtoj për fushat zgjedhore nuk filloj te asnjë, apo ndoshta i ka len për fushat zgjedhore (të premtuarit për shtëpi ishin Rrahmon Hajdini, Mustaf Salihu etj . “Premtimin e shkollës së re në fshat që ka harruar që ekziston shkolla e fshatit Gumnishtë, vazhdimin e ndriçimit këto nuk filloj kurrë t`i punoj, po e potencojmë se ka filluar me rrugën nga liqeni të cilën e premtoj për dy muaj do ta punoj deri në shtruarjen e asfaltit të cilën e ka lënë në gjysmë ende me zhavorr” shprehet ai.

Edhe Nehat Salihu aktivist thotë se për të mbajtur njerëzit e vet ngatë veti arriti ta mbaj zgjedhjen e këshillit të fshatit pa i njoftuar banorët e tjerë të fshatit, por vetëm njerëzit të cilët e votuan, pra e mbajti zgjedhjen e këshillit të fshatit fshehurazi. “Këto janë të arriturat e Lutfi Hazirit” u shpreh Nehat Salihu./rajonipress/