Pas takimit Rashiti – Zharku, zgjidhet problemi në rrugën regjionale Kllokot – Viti

Viti – Nënkryetari i Komunës së Kllokotit, Hasan Rashiti është takuar me Ministrin e Infrastrukturës, z.Lutfi Zharku dhe është diskutuar rreth bllokimit të punës në rrugën regjionale Kllokot – Viti.

Nënkryetari i Komunës së Kllokotit, z.Rashiti ka paraqitur pengesat dhe problemet që po paraqiten tek qytetarët dhe ka kërkuar nga Ministri që ky problem të zgjidhet në mundësin sa më të shpejt.

Ministri Zharku është arsyetuar se kanë pasur problem me kompaninë e kontraktuar sepse Tenderi është dhenë për rivitalizim të këtyre rrugëve kurse në territorin e Kllokotit është paraqitur problem me konfiguracionin e tokës dhe për këtë na është dashur të bëjmë një aneks kontratë me kompaninë e kontraktuar.

Dhe në këtë rast, zoti Rashiti ka marr fjalë që ky problem është zgjidhur nga dje dhe në afate të përshpejtuara do të përfundoj.

Përkundrazi, Rashtiti ka paralajmëruar ministrin se gjendja është tensionuar nga qytetarët e në veçanti nga bizneset, ku është paralajmëruar që nëse nuk zgjidhet ky problem rruga do të bllokohet nga këta të fundit thuhet në njoftimin e zyrës për informim pranë Komunës së Kllokotit./rajonipress/