Laura Fazliu në gjysmëfinale të Grand Slamit në Abu Dhabi

Xhudistja kosovare Laura Fazliu ka siguruar kualifikimin në gjysmëfinale të Grand Slamit në Abu Dhabi, pas dy fitoreve të shënuara në këtë garë.

Fazliu ishte e lirë në xhiron e parë, ndërsa në xhiron e dytë u përball me portugezen Joana Crisostomo, të cilën e mposhti me Wazaari, duke kaluar kështu në çerekfinale.

Në këtë fazë, xhudistja kosovare u përball me vendasen Tsendbazar Mashbat, ndaj së cilës triumfoi me Ippon, duke siguruar një vend në mesin e katër xhudisteve më të mira të kategorisë së saj.

Në gjysmëfinale, Laura Fazliu do të përballet me polaken Angelika Szymanska, në përpjekje për të siguruar një vend në finalen e Grand Slamit në Abu Dhabi.

Fazliu synon të vazhdojë me paraqitje të mira në këtë garë ndërkombëtare, ndërsa fitorja në gjysmëfinale do ta afronte edhe më shumë drejt medaljes së artë.