Gjilan: Gruaja rrëzohet në rrugë dhe ndërron jetë në spital, rasti po hetohet

Gjilan – Një grua ka ndërruar jetë në spitalin rajonal të Gjilanit, pasi ishte rrëzuar në rrugë, bëhet e ditur në raportin për rastin e cilësuar si “Hetim i vdekjes”.

Sipas informatave të raportuara, viktima është gjetur e rrëzuar në rrugë dhe, me shenja jete, është transportuar me urgjencë në Spitalin Rajonal të Gjilanit.

Megjithatë, pas një kohe, ajo ka ndërruar jetë, ndërsa vdekjen e saj e ka konstatuar mjeku.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion.

Rasti është duke u hetuar nga organet kompetente. Deri më tani, nuk janë bërë të ditura rrethana të tjera lidhur me shkaqet e vdekjes./rajonipress/