Prokuroria në Gjilan ndalon një person për kontrabandim me migrantë, ngre tri aktakuza ndaj 10 personave

Gjilan – Prokuroria Themelore në Gjilan ka ndaluar një person të dyshuar për veprën penale “Kontrabandimi me migrantë”, ndërsa ka ngritur tri aktakuza ndaj gjithsej 10 personave për vepra të ndryshme penale.

Sipas njoftimit të Prokurorisë Themelore në Gjilan, ndalimi i një personi është bërë me urdhër të prokurorit, nën dyshimin për përfshirje në veprën penale të kontrabandimit me migrantë.

Ndërkohë, gjatë aktiviteteve të saj, Prokuroria ka ngritur tri aktakuza në raste të ndara.

Aktakuza e parë është ngritur kundër gjashtë personave për veprën penale “Vjedhje e rëndë”.

Aktakuza e dytë përfshin dy persona, të dyshuar për veprat penale “Lëndimi i lehtë trupor” dhe “Kanosja”.

Ndërsa aktakuza e tretë është ngritur kundër dy personave për veprën penale “Keqtrajtimi gjatë ushtrimit të detyrës zyrtare ose autorizimeve publike”.

Me këto veprime, Prokuroria Themelore në Gjilan po vazhdon procedurat penale ndaj personave të dyshuar për vepra të ndryshme, në përputhje me kompetencat dhe përgjegjësitë e saj ligjore./rajonipress/