Ismaili: Kurti është bërë “grykës” politik, PDK-ja është kockë që nuk mundet ta thyejë

Deputeti i PDK-së, Uran Ismaili, ka kritikuar kryeministrin Albin Kurti, duke e akuzuar se po synon të marrë kontrollin mbi të gjitha pozitat shtetërore.

Ismaili e ka cilësuar Kurtin si “grykës politik” dhe “grykës partiak”, duke thënë se ai po përpiqet të vendosë njerëz që i binden në pozita të ndryshme institucionale.

“Albin Kurti është bërë grykës politik, grykës partiak, i dëshiron të gjitha pozitat, nuk ka lënë vend që nuk po mundohet ta zë me anëtarë që i binden atij”, u shpreh Ismaili.

Deputeti i PDK-së tha se partia e tij, sipas tij, nuk mund të dobësohet në këtë mënyrë.

“PDK-ja është një kockë që nuk mundet me thy në atë mënyrë”, deklaroi Ismaili./Telegrafi/.