Tash e tutje, VV, AAK e Nisma, opozitë e bashkuar

Visar Ymeri i Vetëvendosjes, Fatmir Limaj i Nismës dhe Ramush Haradinaj i AAK-së, kanë paralajmëruar se të premten do të nisin nënshkrimin e një peticioni për t’u bërë thirrje qytetarëve të Kosovës që të shprehin pakënaqësitë e tyre për rrënimin që po i bëhet shtetit dhe të shprehin kundërshtimet e tyre për marrëveshjet e arritura në Bruksel.

Ata të mërkurën dolën me një deklaratë të përbashkët, duke theksuar se do të veprojnë si opozitë e bashkuar për t’i kundërshtuar të gjitha proceset degraduese për vendin, duke përfshirë edhe marrëveshjet e arritura në Bruksel.

Ata kanë ftuar dhe akterët tjerë të shoqërisë që të kundërshtojnë gjendjen e rënduar në vend.

Visar Ymeri, Ramush Haradinaj dhe Fatmir Limaj njoftuan se nga e premtja do të fillojnë me nënshkrimin e një peticioni nga qytetarët, që në fokus do të ketë kundërshtimin e marrëveshjeve dhe proceseve tjera negative në vend. /Telegrafi/