Me elegancë në tapetin e kuq, Arbnora Ademaj në premierën e “The Journalist’s Mission”

Arbnora Ademaj ka marrë pjesë në premierën e filmit “The Journalist’s Mission”, e cila u mbajt në New York.

Aktorja dhe modelja kosovare është shfaqur në tapetin e kuq me një fustan të zi, ndërsa nga eventi ka ndarë edhe fotografi me ndjekësit e saj në rrjetet sociale, shkruan Indeksonline.

Filmi “The Journalist’s Mission”, i frymëzuar nga ngjarje të luftës në Kosovë, pati premierën amerikane më 24 shtator 2026, në AMC Empire 25 në Times Square, New York. Premiera në Kosovë është paralajmëruar për 8 tetor 2026.

Ademaj kishte treguar më herët se në këtë projekt ka luajtur një ushtare amerikane, rol për të cilin kishte thënë se ishte një përgjegjësi e veçantë dhe se mezi priste publikimin e filmit.

Postimi i saj nga premiera ka marrë reagime të shumta nga ndjekësit dhe figurat publike, të cilët e kanë përgëzuar për paraqitjen në tapetin e kuq./Indeksonline/