Kuvendi i Gjilanit miraton unanimisht deklaratën në mbështetje të krerëve të UÇK-së në Hagë

Gjilan – Kuvendi Komunal i Gjilanit ka miratuar unanimisht një deklaratë përmes së cilës shpreh mospajtimin me dënimin e ish-krerëve të Ushtrisë Çlirimtare të Kosovës (UÇK) nga Dhomat e Specializuara të Kosovës në Hagë.

Kuvendi Komunal i Gjilanit ka miratuar unanimisht një deklaratë në mbështetje të krerëve të Ushtrisë Çlirimtare të Kosovës (UÇK), të cilët po përballen me proces gjyqësor në Dhomat e Specializuara të Kosovës në Hagë.

Deklarata është lexuar para anëtarëve të Kuvendit nga Bujar Nevzati, anëtar i Kuvendit Komunal dhe shef i grupit të PDK-së.

Përmes kësaj deklarate, Kuvendi Komunal i Gjilanit ka shprehur mbështetjen e tij për ish-krerët e UÇK-së, duke përcjellë qëndrimin e këtij institucioni lidhur me procesin gjyqësor në Hagë.

Në mbështetje të deklaratës së miratuar nga Kuvendi është shprehur edhe Ekzekutivi i Komunës së Gjilanit.

Në fjalën e tij, nënkryetari i Komunës së Gjilanit, Arianit Sadiku, ka shprehur qëndrimin e Ekzekutivit në mbështetje të deklaratës së miratuar unanimisht nga Kuvendi Komunal.

Deklarata është lexuar në mbledhjen e Kuvendit nga Bujar Nevzati, anëtar i Kuvendit Komunal dhe shef i grupit të PDK-së.

Në deklaratë theksohet se përfaqësuesit e të gjitha subjekteve politike kanë diskutuar për këtë çështje, ndërsa Kuvendi i Komunës së Gjilanit ka shprehur qëndrimin e tij lidhur me aktgjykimin ndaj ish-krerëve të UÇK-së.

Deklarata i referohet edhe viktimave të luftës në Gjilan dhe familjeve të prekura nga lufta, duke theksuar se, sipas Kuvendit, për krimet e kryera ndaj civilëve të Gjilanit ende nuk ka përgjegjës të dënuar.

Në vijim, po e publikojmë të plotë deklaratën e lexuar nga Bujar Nevzati, pa ndërhyrje në përmbajtjen e saj:

PROPOZIM-DEKLARATË

Kuvendi i Komunës së Gjilanit, pas diskutimit të përbashkët të përfaqësuesve të të gjitha subjekteve politike, në mbledhjen e mbajtur më 24.09.2026, shpreh mospajtimin e tij me dënimin e krerëve të Ushtrisë Çlirimtare të Kosovës (UÇK) nga Dhomat e Specializuara të Kosovës në Hagë.

Për Gjilanin, kjo çështje ka një peshë të veçantë, pasi gjatë luftës në Kosovë humbën jetën 98 civilë dhe 50 dëshmorë, ndërsa shumë familje dhe fshatra u përballën me shkatërrim dhe djegie të tërësishme nga forcat serbe.

Në rrethanat kur, për krimet e kryera ndaj civilëve të Gjilanit, ende nuk ka përgjegjës të dënuar, ky vendim prek thellë ndjenjën e drejtësisë së qytetarëve tanë.

Kuvendi i Komunës së Gjilanit shpreh solidaritetin me të gjithë qytetarët e Komunës së Gjilanit, veçanërisht me familjet e të rënëve, si dhe me familjet e martirëve, dëshmorëve, invalidëve dhe veteranëve të Ushtrisë Çlirimtare të Kosovës.

Duke pasur parasysh se vendimi u shpall me formulimin “Në emër të popullit të Kosovës”, Kuvendi i Komunës së Gjilanit përcjell qartë mesazhin e qytetarëve të saj:

“JO NË EMRIN TIM!”

Kjo shprehje përfaqëson mospajtimin me këtë vendim dhe të drejtën për të kërkuar që në procedurat e mëtejshme gjyqësore të shqyrtohen me kujdes të gjitha pretendimet, provat dhe çështjet që lidhen me përgjegjësinë individuale të Hashim Thaçit, Jakup Krasniqit, Kadri Veselit dhe Rexhep Selimit.

Shef i grupit të PDK-së
Gjilan
Bujar Nevzati