Avokati: Absurde, asnjë gjykatë nuk mund ta shpall dike fajtor me fjalinë se në besojmë që ju keni kryer veprën penale

Avokati i njohur, Ardian Bajraktari ka reaguar sërish pas verdiktit të Gjykatës Speciale për krerët e UÇK-së. Bajraktari ka thënë se asnjë gjykatë në Hagë nuk guxon dhe nuk mundet që ta shpallë dike fajtor me fjalinë: “Ne besojmë se ju e keni kryer veprën penale”.

“Kur shoh se si një kontakt i fundit me një person, i cili më pas vritet, trajtohet, në kohë lufte, si rrethanë bindëse për të ndërtuar përgjegjësi penale, pyetja është e pashmangshme: ku mbeti drejtësia”, ka shkruar avokati kosovar.