Prokuroria e Gjilanit ngrit tri aktakuza për narkotikë, dëmtim prone dhe rrezikim të trafikut

Gjilan – Prokuroria Themelore në Gjilan ka njoftuar se ka ngritur tri aktakuza ndaj tre personave, për vepra të ndryshme penale.

Sipas njoftimit të Prokurorisë, një aktakuzë është ngritur ndaj një personi për veprën penale “Posedimi i paautorizuar i narkotikëve, substancave psikotrope ose analoge”.

Një tjetër person është akuzuar për veprën penale “Asgjësimi apo dëmtimi i pasurisë”, ndërsa aktakuza e tretë është ngritur ndaj një personi për veprën penale “Rrezikimi i trafikut publik”.

Prokuroria nuk ka dhënë detaje të tjera lidhur me rrethanat e rasteve në njoftimin e saj. Për personat e akuzuar vlen parimi i prezumimit të pafajësisë deri në një vendim të formës së prerë nga gjykata./rajonipress/