Kapet me patentë shoferi të dyshuar si të falsifikuar në pikën kufitare Dheu i Bardhë

Gjilan – Policia e Kosovës ka shoqëruar në stacion policor një shtetas të Serbisë, pasi gjatë kontrollit në Pikën e Kalimit Kufitar Dheu i Bardhë ka prezantuar një patentë shoferi, për të cilën dyshohet se është e falsifikuar.

Sipas raportimit policor, rasti është evidentuar më 16 shtator, rreth orës 11:40, gjatë procedurave të kontrollit kufitar. Dokumenti i dyshuar si i falsifikuar është konfiskuar nga autoritetet për ekzaminim të mëtejshëm.

I dyshuari është intervistuar në stacionin policor, ndërsa pas konsultimit me prokurorin kompetent, ai është liruar dhe rasti do të procedohet në procedurë të rregullt.

Autoritetet pritet që përmes ekzaminimit të dokumentit të përcaktojnë nëse patenta e shoferit është e falsifikuar dhe rrethanat e plota të rastit./rajonipress/