Vjosa Osmani për ofertën e Kurtit: Qëllimi i tij ishte ta nënshtrojë dhe poshtërojë LDK’në

Ish-presidentja e Kosovës, Vjosa Osmani, ka folur për takimet që ajo dhe kryetari i LDK’së, Lumir Abdixhiku, kanë pasur me liderin e VV’së, Albin Kurtin.

Osmani, ka thënë se Kurti s’ka pasur për qëllim që ta shoh si ‘’partnere’’ LDK’në, por që ta ‘’nënshtrojë’’ dhe ta ‘’poshtrojë’’ këtë të fundit.

“Oferta jo vetëm që nuk është serioze, nuk është parimore as e drejtë, e vlerëson LDK-në edhe më pak, qoftë në terma matematikorë apo politikë, e vlerëson më pak se sa partitë minoritare, partitë e komuniteteve joshumicë, e vlerëson më pak se sa çdo parti tjetër, është dëshmuar se nuk duan partneritet të sinqeritet, nuk dojnë në mirëbesim. Janë ofruar 3 ministri, nuk është e vërtetë, kryeparlamentari do të ofrohej vetëm nëse nuk do të ishim në qeverisje. Në një situatë të tillë ku LDK nuk do të udhëheqte asnjërën nga tri institucionet, dhe do të kishte vetëm tri ministri, tregon se VV nuk ka dashur të qeverisë me LDK-në. Ka pasur për qëllim vetëm të nënshtrojë, poshtërojë LDK-në dhe jo ta shohë si partnere”, ka thënë ajo në Kanal10.