Prokuroria në Gjilan ndalon dy persona dhe ngrit dy aktakuza brenda 24 orëve

Gjilan – Prokuroria Themelore në Gjilan ka ndërmarrë masa ndaj dy personave të dyshuar për vepra të ndryshme penale, ndërsa gjatë 24 orëve të fundit ka ngritur edhe dy aktakuza ndaj dy personave të tjerë.

Sipas njoftimit të Prokurorisë, një person është ndaluar me dyshimin për veprën penale “Dhuna në familje”, ndërsa një tjetër është ndaluar nën dyshimin për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”.

Ndërkohë, Prokuroria Themelore në Gjilan ka ngritur dy aktakuza. Njëra është ngritur ndaj një personi për veprën penale “Mospërfillje e gjykatës”, ndërsa aktakuza tjetër ndaj një personi për veprën penale “Vjedhje pylli”.

Rastet janë duke u trajtuar në procedurat përkatëse ligjore, ndërsa për personat e dyshuar vlen parimi i prezumimit të pafajësisë deri në një vendim të formës së prerë nga gjykata./rajonipress/