Aksidenti në Gjilan merr jetë: Viktima ndërron jetë pas disa ditësh në kujdes intensiv

Gjilan – Një aksident trafiku i ndodhur në rajonin e Gjilanit ka përfunduar me fatalitet, pasi një person, i cili po trajtohej në kujdes intensiv në Qendrën Klinike Universitare të Kosovës (QKUK), ka ndërruar jetë si pasojë e plagëve të marra në aksident.

Sipas njoftimit policor, viktima, mashkull kosovar, ka ndërruar jetë më 8 gusht 2026, rreth orës 08:15, derisa ishte nën trajtim intensiv në QKUK.

Rasti është riklasifikuar si “Aksident rrugor me fatalitet”, ndërsa autoritetet kanë ndërmarrë veprimet e nevojshme procedurale lidhur me rastin.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore (IML), ku pritet të kryhet obduksioni.

Policia dhe organet kompetente po vazhdojnë procedurat për dokumentimin e plotë të rrethanave të aksidentit./rajonipress/