Në shërbim të gjuhës dhe ligjit: Dr. Arsim Idrizi, një emër në ngritje në institucionet shtetërore

Gjilan – Në mesin e kuadrove të reja profesionale që po marrin përgjegjësi në institucionet shtetërore të Maqedonisë së Veriut, një emër që veçohet për formimin akademik dhe angazhimin institucional është ai i Dr. Arsim Idrizit, jurist dhe doktor i Shkencave të Sigurisë, i cili që nga gushti i vitit 2024 ushtron detyrën e Drejtorit të Inspektoratit për Përdorimin e Gjuhëve.Me vizion bashkëkohor, përgatitje profesionale dhe përkushtim ndaj institucioneve, Dr. Idrizi është shndërruar në një zë të angazhuar për respektimin e të drejtave gjuhësore dhe afirmimin e kulturës shqiptare në Maqedoninë e Veriut.

Në një kohë kur mbrojtja e identitetit kombëtar, gjuhës dhe vlerave kulturore kërkon përkushtim institucional dhe profesional, emri i Dr. Arsim Idrizit renditet ndër kuadrot e reja shqiptare që kanë ndërtuar profilin e tyre mbi dijen, integritetin dhe përgjegjësinë publike. Jurist me formim të lartë akademik dhe Doktor i Shkencave të Sigurisë, ai përfaqëson një brez profesionistësh që e shohin mbrojtjen e gjuhës shqipe jo vetëm si detyrim ligjor, por edhe si mision qytetar e kombëtar.

Me vizion bashkëkohor, përgatitje profesionale dhe përkushtim ndaj institucioneve, Dr. Idrizi është shndërruar në një zë të angazhuar për respektimin e të drejtave gjuhësore dhe afirmimin e kulturës shqiptare në Maqedoninë e Veriut. I vlerësuar për seriozitetin, disiplinën dhe aftësinë drejtuese, ai përfaqëson modelin e një profesionisti të ri që ndërthur dijen akademike me shërbimin publik, duke dëshmuar se sukseset më të qëndrueshme ndërtohen mbi punën, integritetin dhe përkushtimin ndaj interesit të përgjithshëm.

I lindur më 21 shkurt 1986 në fshatin Llojan të Komunës së Likovës, rajoni i Kumanovës, Dr. Idrizi ka ndërtuar karrierën e tij mbi një bazë të fortë akademike dhe profesionale, duke u angazhuar në fushën e drejtësisë, administratës publike dhe politikave institucionale.

Studimet universitare i përfundoi në Universitetin e Evropës Juglindore në Tetovë, ku u diplomua në drejtësi në vitin 2009, ndërsa rrugëtimin akademik e vazhdoi me studime doktorale në Universitetin Shtetëror të Bibliotekarisë dhe Teknologjive të Informacionit në Sofje të Bullgarisë, ku në vitin 2019 mbrojti doktoraturën në drejtimin Siguria Kombëtare, duke fituar titullin Doktor i Shkencave të Sigurisë.

Përveç angazhimit akademik, Dr. Idrizi ka qenë aktiv edhe në jetën politike dhe institucionale. Ai është pjesë e strukturave të partisë Alternativa, e cila aktualisht vepron në kuadër të koalicionit qeverisës VLEN, duke kontribuar në proceset e reformimit institucional dhe forcimit të administratës publike.

Dr. Arsim Idrizi – profesionalizëm, integritet dhe përkushtim në mbrojtje të gjuhës shqipe

Emërimi i tij në krye të Inspektoratit për Përdorimin e Gjuhëve konsiderohet një përgjegjësi me rëndësi të veçantë, pasi ky institucion ka për detyrë mbikëqyrjen e zbatimit të legjislacionit për përdorimin e gjuhëve në institucionet shtetërore dhe publike, një fushë me ndikim të drejtpërdrejtë në garantimin e të drejtave gjuhësore dhe funksionimin e barabartë të institucioneve në një shoqëri multietnike.

Njohësit e administratës publike vlerësojnë se kombinimi i formimit juridik me ekspertizën në fushën e sigurisë përbën një avantazh në ushtrimin e funksioneve drejtuese, veçanërisht në institucione që kërkojnë zbatim të ligjit, transparencë dhe efikasitet institucional.

Me një profil që ndërthur përgatitjen akademike, përvojën institucionale dhe angazhimin publik, Dr. Arsim Idrizi përfaqëson një brez profesionistësh shqiptarë në Maqedoninë e Veriut që synojnë të kontribuojnë në forcimin e shtetit ligjor, administratës moderne dhe respektimit të standardeve demokratike./rajonipress/