Policia heton një vdekje në Ranillug, trupi i të moshuarit dërgohet për obduksion

Gjilan – Policia e Kosovës ka nisur hetimet për një rast të vdekjes në fshatin Drenovc të Ranillugut, pasi një person është gjetur pa shenja jete në banesën e tij.

Sipas raportit policor, rasti është raportuar të premten rreth orës 17:37 nga dhëndri i viktimës, i cili ka njoftuar se kishte gjetur pa shenja jete babanë e bashkëshortes së tij. Bëhet e ditur se viktima jetonte i vetëm.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti është iniciuar si “Hetim i vdekjes”./rajonipress/