Gjermani: Procedim penal për dy shtetas të Kosovës që qëndronin ilegalisht në vend

Dy shtetas të Kosovës, të moshës 22 dhe 32 vjeç, janë ndaluar nga Policia Kufitare gjermane pranë Aeroportit të Memmingerbergut, pasi u konstatua se po qëndronin në mënyrë të paligjshme në Gjermani, transmeton albinfo.ch.

Sipas autoriteteve gjermane, gjatë një kontrolli të kryer në rrugën hyrëse drejt aeroportit, policia verifikoi dokumentet e identifikimit të dy personave dhe zbuloi se ata nuk posedonin dokumentacionin e nevojshëm për qëndrim të ligjshëm në territorin gjerman.

Pas përfundimit të verifikimeve, ndaj dy shtetasve të Kosovës është iniciuar procedim penal për shkelje të Ligjit gjerman për Qëndrimin e të Huajve.

Autoritetet kanë bërë të ditur se, krahas procedurave penale, po shqyrtohen edhe masat e mëtejshme administrative, përfshirë mundësinë e largimit të tyre nga Gjermania. /Albinfo.ch