Xhimshiti: Dua të debutoj kundër Danimarkës

Berat Xhimshiti gjatë verës së kaluar kishte qëndruar për shtatë ditë në Shqipëri.Por, vizita e tij në Shqipëri ishte për të kaluar pushimet në plazhet e bukura shqiptare derisa në vizitën e radhës Xhimshiti 22-vjeçar ka një mision tjetër.

Qendërmbrojtësi i Zurichut të Zvicrës ka marrë ftesë nga trajneri Gianni de Biasi për dy ndeshjet që Shqipëria i luan në kuadër të eliminatoreve për kampionatin evropian “Franca 2016”, dhe ai thotë se pret të debutojë.

Shqipëria më 4 shtator do të udhëtojë në Kopenhagë ku do të përballet me Danimarkën në kuadër të Grupit I, kurse tri ditë më vonë do ta presë Portugalinë. /Koha/Telegrafi/