Shqiptarët ngatërrohen me hijen e djallit e Serbia përfiton

Nga Gani Sadiku – Kam thënë moti kohë në shkrimet e mia në gazeta e portale, se deri sa shqiptarët vjedhin dhe ngatërrohen me hijen e djallit, Serbia po i uzurpon institucionet e Kosovës përmes asociacionit të komunave serbe.

Ky asociacion ka hiq më pak se 400 milion euro buxhet që financohet nga Serbia, dhe në raste të tilla edhe pa asnjë kompetencë do të jetë shumë joshëse për këdo në Kosovë, jo vetëm për serbët.

Ky epilog është i pritur kur dihet përgatitja profesionale e shqiptarëve.

Në Kosovë s`ka teknolog, s`ka inxhinier, s`ka elektricist që instalon rrymën në fabrika, e lëre ma njerëz që të ulen përballë serbëve që politikën e gatuajnë nëpër laboratore.

Serbia bënë hajgare me shqiptarët në bisedime, ashtu siç është tallë edhe në luftë deri sa SHBA-ja e mori seriozisht luftën me te. Serbia përmes asociacionit më tepër i intereson dominimi politik dhe ruajtja e ndikimit në Kosovë se sa të drejtat e serbëve./rajonipress/