Shaqiri, sportisti më i paguar zviceran, fiton 9.5 milion franga në vit!

Me këtë shumë ai i ka tejkaluar të gjithë sportistët tjerë zviceranë më rrogë fikse, madje edhe tenistin e famshëm Roger Federer.

Sot (e shtunë) pritet të bëhet edhe debutimi i Xherdan Shaqirit për skuadrën e re, Stoke City. Më nënshkrimin e kontratës me ekipin anglez, Shaqa bëhet edhe sportisti më i paguar zviceran. 120’000 funta në jave, apo 183’460 franga zvicerane është shuma që do të marrë futbollisti kosovar. Me këtë shumë ai i ka tejkaluar të gjithë sportistët tjerë zviceranë më rrogë fikse, madje edhe tenistin e famshëm Roger Federer, shkruan “blick”, transmeton “albinfo.ch”.

Vetëm disa ditë pas transferimit të Xherdan Shaqiri në Stoke City bëhet e qartë: Shaqiri bëhet sportisti më i paguar në Zvicër. Gazeta angleze “Mirror” ka llogaritur të ardhurat e tij: 60’000 funta angleze i paguhen në javë plus premitë.

E nëse llogaritjet bëhen në franga zvicerane i bie që djaloshin nga Zhegra e Gjilanit, Stoke ta paguaj në javë 91’730 franga zvicerane. Kur kësaj shume i shtohet edhe 50 për qind tatim, atëherë shuma e llogaritur në bruto, është 183’460.

Llogaritjet vjetore që do t`i bëhen futbollistit të përfaqësues zvicerane, kapin shumën e 9,5 milion frangave duke përfshirë edhe pagesat e tjera shtesë.

Më transferimin e Shaqirit për 18 milion franga me kontratë deri në vitin 2020, Stoke ka bërë blerjen më të shtrenjtë në historinë e klubit, njofton “albinfo.ch”.

Mbetet të shihet sot paraqitja e Xherdanit në ndeshjen kundër Norvich se sa do ta tregojë vlerën e shumës që Stoke ka paguar për të.