Selver Xhelili nuk ndalet: Ofron pushim një javor për ekipin fitues të derbit gjilanas

Gjilan – Selver Xhelili pronar i kompleksit më të madh bregdetar shqiptar në Ksamil të njohur si “Gjilani” ka bërë edhe një hap të madh për të inkurajuar dhe përkrahur dy klubet gjilanase “Drita” dhe “Gjilani” të cilat do të luajnë këtë fundjavë. Xhelili ka ofruar pushim një javor për ekipin fitues në kompleksin “Gjilani” në Ksamil.

Selver Xhelili nuk ka të ndalur me donacionet e ofruara në përkrahje të rinisë e sportistëve gjilanas. Ai edhe sa ishte drejtor i kulturës në Gjilan ka përkrahur në të gjitha format klubet e shoqatat gjilanase si në fushën e rinisë, kulturës e sportit.

Tani Xhelili si pronar i kompleksit më të madh bregdetar shqiptar në Ksamil të pagëzuar me emrin “Gjilani” ka ofruar një donacion për fituesin e derbit gjilanas në mes të Dritës e Gjilanit që zhvillohet këtë fundjavë.

Xhelili tha se ky donacion është si inkurajim për futbollistët gjilanas të cilët besoj se këtë kampionat do të kenë rezultate kulminante. “Unë gjithmonë kam qenë në shërbim të të rinjve gjilanas dhe kësaj radhe më erdhi mundësia që ata t`i përkrahi edhe në këtë formë duke pushuar në kompleksin më të frekuentuar shqiptar që udhëhiqet nga një gjilanas” tha Xhelili./rajonipress/