Faruk Nura, njeriu i terrenit, i punës dhe i shpresës që po e ringjall Vitinë

Viti – Vitia ka nevojë për më shumë se fjalë. Ka nevojë për punë. Ka nevojë për drejtim. Ka nevojë për një njeri që e njeh terrenin, hallet dhe potencialin e kësaj ane dhe ai njeri është Faruk Nura.

Me një përvojë të pasur në qeverisje dhe biznes, Faruk Nura po e kthen besimin e qytetarëve në shpresë konkrete. Ai nuk flet nga zyrat, ai dëgjon në rrugë, në fshatra, në familje. Prandaj mbështetja për të po rritet çdo ditë, sepse qytetarët po e shohin qartë, Anamorava ka qenë e harruar, e anashkaluar dhe e lënë jashtë vëmendjes së qeverisjes aktuale.

Faruk Nura po ecën shtëpi më shtëpi, fshat më fshat, duke kthyer angazhimin në besim dhe besimin në votë. Më 28 dhjetor, ky besim pritet të shndërrohet në një mandat që do ta çojë përpara një agjendë të re zhvillimore për Vitinë dhe gjithë Anamoravën.

“Vitia do të kthehet në qendër të vëmendjes së Qeverisë së ardhshme. Do t’i përfundojmë projektet që sjellin punë, investime dhe mirëqenie. Anamorava nuk do të jetë më në periferi të zhvillimit,” thekson Nura.

Sipas tij, kjo anë është lënë pas dore nga një qeverisje e plogësht, që nuk i solli asnjë të mirë qytetarëve. Prandaj sot po vjen koha e ndryshimit, koha e punës, koha e dinjitetit, koha e zhvillimit.

Faruk Nura nuk premton, ai ndërton.

Vitia nuk pret më – Vitia po zgjohet.

#Ldk123✅

#faruknura74✅

#zgjedhshpresen

#vitialdk