Bytyqi beson se ka të ardhme te City

Mesfushori kosovar, Sinan Bytyqi, po shikon drejt huazimit të dytë, por pasi të rikthejë formën e tij fizike pas lëndimit që e pësoi muaj më parë. Bytyqi është pjesë e akademisë së Manchester Cityt dhe jashtë fushës do të qëndrojë deri në muajin tetor.

Ai u lëndua gjatë këtij viti te skuadra holandeze Cambuur tek e cila u huazua në muajin janar. Bytyqi 20-vjeçar, beson se në fillim të vitit 2016 do të huazohet sërish nga gjiganti anglez.

“Unë jam maksimalisht i motivuar, pasi dua që sa më shpejt të kthehem në fushë. Me siguri se do të huazohem, por dua t’ia shpërblej klubit besimin e dhënë, pasi më ka motivuar kur më ofroi kontratën e re. Kjo do të thotë se je në planet e klubit”, ka thënë Bytyqi 20-vjeçar, i cili ka kontratë me Cityn deri në qershorin e vitit 2017. “Do të punoj shumë për t’u kthyer sa më shpejt, transmeton Kohet.net.

Besoj se do të kthehem edhe më i fortë dhe pastaj të huazohem te një ekip tjetër për të fituar përvojë, në fillim të vitit të ardhshëm”.
Bytyqi, i cili është pjesë i ekipit U-21 të Austrisë te City u transferua në vitin 2012 nga skuadra e Admiras kurse në Austri ka qenë edhe pjesë e Karntenit.

http://koha.net/?id=6&l=69253