Në Universitetin Publik të Gjilanit mbahen provimet pranuese

Gjilan – Në të gjitha fakultetet e Universitetit të Gjilanit “Kadri Zeka” u mbajtën provimet pranuese për pranimin e studentëve të rinj për vitin akademik 2015/2016.

Për të parë nga afër këtë proces, Naim Syla,U.D. i rektorit në Universitetin e Gjilanit “Kadri Zeka”, së bashku me stafin tjetër të menaxhmentit, i ka vizituar disa nga sallat ku janë mbajtur provimet pranuese, derisa janë shprehur të kënaqur me mënyrën e organizimit dhe mbarëvajtjen e ecurisë së testit pranues të studentëve të rinj të cilën dëshirojnë të jenë pjesë e Universitetit tonë.

Naim Syla, ka uruar studentët e ardhshëm që të kenë sukses në regjistrim dhe mbarimin e studimeve. Gjithashtu studentët e rinj që kanë shpreh interesim për të studiuar në Universitetin “Kadri Zeka”, i ka vizituar edhe nënkryetari i Komunës së Gjilanit, Rexhep Kadriu, i cili ka uruar ata duke ju dëshiruar suksese në testin pranues.

Kurse Vaxhid Sadriu, Sekretar i Përgjithshëm në Universitet, tha se procesi i testimit ka shkuar mbarë dhe se nuk ka pasur ndonjë parregullsi.

Universiteti “Kadri Zeka” në Gjilan, në vitin e parë të studimeve, në afatin e parë të konkursit për vitin akademik 2015-2016, do të regjistrojë 1530 studentë, prej të cilëve 1350 studentë të rregullt dhe 180 studentë me korrespondencë, në kuadër të këtij numri do të përfshihen edhe studentët e Luginës së Preshevës.

Ndërkohë, në Universitetin e Gjilanit “Kadri Zeka” rezultatet e provimit pranues do të shpallen më datë 22 korrik 2015.

Gjithashtu, është paraparë edhe periudha e ankimit, kandidatët që refuzohen mund t’i paraqesin ankesë Komisionit për ankesa, me date 23-25 korrik 2015. Pas këtij afati ankesat nuk do të pranohen. Ankesat do të shqyrtohen me datë 27. 07.2015. Publikimi i listave sipas ankesave bëhet më datë 29 korrik 2015./rajonipress/