Ka filluar asfaltimi i rrugëve në Zhiti e Budrikë

Viti – Kanë filluar punimet në asfaltimin e rrugës në fshatin Budrikë dhe në Zhiti, projekte këto që financohen nga buxheti komunal. Kryetari i komunës së Vitisë Sokol Haliti, është shprehur se po nisin sot këto dy projekte në Budrikë dhe në Zhiti, për të vazhduar edhe nesër e pasnesër në Tërpezë, Ramnishtë, Beguncë e Pozheran, duke u konkretizuar edhe shumë projekte të tjera që janë paraparë të realizohen gjatë këtij viti kalendarik.

Haliti ka uruar banorët e këtyre dy lokaliteteve për asfaltimin e rrugës, duke premtuar edhe realizim të projekteve të tjera në të ardhmen që do të identifikohen nga banorët si projekte të domosdoshme.

Abdyl Mustafa përfaqësues i fshatit Budrikë, ka theksuar se projekti i asfaltimit të rrugës dhe zgjerimi i saj, ka qenë nevojë e kahershme e këtij fshati.

Edhe përfaqësuesi i fshatit Zhiti Kerim Ferati, është shprehur falënderues për gatishmërinë e autoriteteve komunale që i kanë dhënë mbështetje projektit të asfaltimit të rrugës, ngase ajo ishte asfaltuar para 30 vjetësh dhe ishte mjaftë e dëmtuar.

Në Budrikë rruga do të zgjerohet, asfaltohet në gjatësi prej mbi 1.700 metrash, nëpërmes së cilës do të bëhet ndriçimi publik.

Ndërsa rruga Zhiti-Ballancë po ashtu do të zgjerohet dhe kap një gjatësi prej 3.500 metrash. Delegacioni i komunës i përbërë nga kryetari i komunës dhe drejtorë të drejtorive, kanë inspektuar edhe punimet në shkollën fillore të fshatit Ballancë, si dhe punimet e rrugës Viti-Ramnisht./rajonipress/