Qarjet e mureve të ndërtesave rrezikojnë qytetarët

Gjilan – Njëra nga ndërtesat në qendër të qytetit ka filluar të plasaritet ndërsa sipas Shaip Dubovës askush nga zyrtarët komunal nuk ka ndërmarrë masa për të evituar më të keqën.

Muret e kësaj ndërtese në foto kanë filluar të plasariten dhe të bien në tokë.

Shaip Dubova që ndodhet në këtë ndërtesë me lokal thotë se ka frikë se këto mure të plasaritura rrezikojnë jetën e qytetarëve. “I kam lajmëruar shërbimet publike dhe ua kam bërë me dije se kjo mund të jetë me pasoja për qytetarët, por askush nuk është përgjigjur e as që ka dalur në vendin e ngjarjes”.

Dubova thotë se komuna duhet të intervenojë urgjentisht sa nuk është bërë vonë. /rajonipress/