Mirusha me dy pamje

Gjilan – Lumi Mirusha mbetet projekti më i dështuar i qeverisjes aktuale. Pos që janë rregulluar pak metra nga ky projekt kohëve të fundit aty po eksperimentohet. Pak ditë Mirusha mbetet e tharë dhe në ditët tjera mbushet me kanalizime. Qytetarët po i nevrikos kjo pamje.

Eksperimentimi me projektin e lumit Mirusha po vazhdon. Pos që janë rregulluar pak metra nga ky projekt, qeverisja aktuale nuk ka shprehur interesim e as gatishmëri që ky projekt të ecë tutje.

Mirusha aktualisht ka marrë dy pamje neveritëse. Disa ditë Mirusha thahet komplet kurse disa ditë tjera mbushet me kanalizime dhe kjo situatë ata po i nevrikos.

Isufi një qytetar i vjetër i Balecit thotë se po shihet se kjo qeverisje nuk ka guxim të punojë në projekte të mëdha. “Ky projekt po vazhdon të mbetet peng i mosdijes dhe i mos dëshirës që projekti të përfundojë me kohë dhe me sukses” shprehet Isufi.

Lumi Mirusha i cili vazhdimisht kundërmon me të drejtë konsiderohet si një dinosaurë për Gjilanin. Ka vite që ky projekt sillet vërdallë dhe bëhet objekt i fushatave zgjedhore dhe i premtimeve boshe. E problemi mbetet i njëjtë. Kundërmim dhe erë e pakëndshme gjatë gjithë verës./rajonipress/