DEMOS ndanë 44 mijë euro shpërblim për Kamenicën

Kamenicë – Përmes këtij programi, ne arritëm të paguajmë 72 mijë euro borxhe të trashëguara dhe të bartura vit pas viti. Gjithashtu përmes këtij programi këto ditë do të fillojmë ndërtimin e Fushës së Sportit në Lagjen “Malësia” ka thënë Fatmir Matoshi.

Në shtator të 2014, arritëm të finalizojmë marrëveshjen dhe të përzgjidhemi partner i Programit të Qeverisë Zvicerane DEMOS. Ky ishte rikthim besimi ndaj partnerëve tanë, të cilët për pesë vjet me radhë ishin nënçmuar nga Komuna jonë e cila nuk ju ka përmbajt marrëveshjeve me ta.

Përmes këtij programi, ne arritëm të paguajmë 72 mijë euro borxhe të trashëguara dhe të bartura vit pas viti. Gjithashtu përmes këtij programi këto ditë do të fillojmë ndërtimin e Fushës së Sportit në Lagjen “Malësia”.

Për performancë këtë vit u shpërblyem me 44.000 euro për investime kapitale. Nga 6 pikë të mundshme ne u vlerësuam me 1.72 pikë, që nuk është e kënaqshme. Këto 1.72 pikë i fituam sipas këtij vlerësimi:
– Menaxhimi Financiar 0.50 pikë
– Hapësirat publike, mobiliteti dhe mbeturinat 0.56 pikë
– Demokracia lokale 0.67 pikë

Falënderim i veçantë për të gjithë ata që me punën e tyre kanë kontribuar që ky shpërblim të vij në Kamenicë, dhe në veçanti falënderim i madh për mbështetjen e vazhdueshme nga DEMOS. Faleminderit Norbert dhe i gjithë ekipi i DEMOS ka shkruar Fatmir Matoshi./rajonipress/