ATK brenda dy muajve ka pasur të hyra mbi 1 milion euro

Administrata Tatimore e Kosovës, brenda këtyre dy muajve ka pasur të hyra për rreth 149.3 milionë euro.

Përmes një komunikate për media, ATK ka njoftuar se krahasuar me periudhën e njëjtë të vitit të kaluar, është shënuar rritje për 19.6 përqind.

“Të hyrat tatimore të ATK-së edhe në muajin e dytë të këtij viti kanë vazhduar të shënojnë rritje, duke realizuar 149.3 milion euro, që nëse bëjmë krahasime me periudhën e njëjtë të vitit të kaluar shohim se kemi rritje për 24.4 milion euro apo 19.6%. Vazhdimi i performancës së mirë të mbledhjes së të hyrave tatimor është derivat i mekanizmave, të cilët kanë rritur llogaridhënien, transparencën, si dhe në të njëjtën kohë avancimi i vazhdueshëm i shërbimeve digjitale përmes platformës E-Deklarimit”, thuhet në komunikatë.

Derisa në përmbyllje kanë shtuar se ATK do vazhdojë t’i trajtojë dhe t’i iniciojë të gjitha rastet e raportuara përmes linjës 0800 80 800.